To book ಬಹುರೂಪಿ ರಾಷ್ಟ್ರೀಯ ನಾಟಕೋತ್ಸವ tickets online please visit "www.bloomtickets.com"

ನವರಾತ್ರಿ ರಂಗೋತ್ಸವ

ಕರ್ನಾಟಕ ಸರಕಾರ ನಡೆಸುವ ನಾಡಹಬ್ಬ ದಸರಾ ಸಮಯದಲ್ಲಿ ರಂಗಾಯಣದಲ್ಲಿಯೂ ಕೂಡ ಅನೇಕ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುತ್ತದೆ. ನಾಟಕಪ್ರಿಯರಿಗಾಗಿ ನವರಾತ್ರಿ ದಿನಗಳ ಒಂಭತ್ತು ದಿನಗಳಲ್ಲೂ ದಿನಕ್ಕೊಂದು ನಾಟಕದ ವಿಶೇಷ ಪ್ರದರ್ಶನವಿರುತ್ತದೆ.

 

ಹಸಿರು ದಸರಾ ಹಾಗೂ
ರಂಗಭೀಷ್ಮ ಬಿ.ವಿ.ಕಾರತ ಕಾಲೇಜು ರಂಗೋತ್ಸವ 2016

ಮೈಸೂರು ವಿಶ್ವವಿಖ್ಯಾತ ಪಾರಂಪರಿಕ ದಸರಾ ಹಬ್ಬ ನಮ್ಮ ಜನರ ನಾಡಹಬ್ಬ. ಗ್ರಾಮೀಣ ಸಂಸ್ಕೃತಿಯ ಒಡಲಾಳದ ನಮ್ಮ ಹಬ್ಬ, ಉತ್ಸವ, ಆಚರಣೆಗಳು ಜನ ಸಾಮಾನ್ಯರ ದುಃಖ ದುಮ್ಮಾನಗಳ ನಿವಾರಣೆಯತ್ತ ಆತ್ಮಬಲವನ್ನು ತುಂಬುವ ಬದುಕಿನ ಹಾದಿಗೆ ವಿಶ್ವಾಸ ಮೂಡಿಸುವ ನಂಬಿಕೆಯನ್ನು ಸದೃಢಗೊಳಿಸುವ ಸಂಸ್ಕೃತಿಯಲ್ಲಿ ಬೆಳೆದಿದೆ. ಈ ಹಾದಿಯಲ್ಲಿ ಪ್ರತಿವರ್ಷದಂತೆ ಈ ವರ್ಷವೂ ಮೈಸೂರು ರಂಗಾಯಣದಲ್ಲಿ ಜಿಲ್ಲಾಡಳಿತದ ಸಹಕಾರದೊಂದಿಗೆ ಆಡಂಭರವಿಲ್ಲದ ಪ್ರಕೃತಿ ಸಂರಕ್ಷಣೆಯ ಸಂದೇಶದಡಿಯಲ್ಲಿ ಹಸಿರು ದಸರಾವನ್ನು ಆಚರಿಸುವುದರ ಮೂಲಕ ಪ್ರಸ್ತುತ ಜನರನ್ನು ಕಾಡುತ್ತಿರುವ ನೀರಿನ ಸಮಸ್ಯೆ ಬಗೆಹರಿಯಬೇಕು. ಸಮೃದ್ಧ ಮಳೆಯಾಗಬೇಕು. ಫಲವತ್ತಾದ ಬೆಳೆಯಾಗಬೇಕು ಅದಕ್ಕಾಗಿ ನಾವೆಲ್ಲಾ ಐಕ್ಯತಾ ಭಾವದಿಂದ ಪ್ರಕೃತಿ ಸಂರಕ್ಷಣೆ ಮಾಡಬೇಕು. ಬದುಕಿನುದ್ದಕ್ಕೂ ಹಸಿರು ಮಾನವನ ಉಸಿರಾಗಿ ಸಮಾನತೆ, ಭಾವೈಕ್ಯತೆಯತ್ತ ಸಮಾಜ ಸದೃಢಗೊಳ್ಳಬೇಕೆಂಬ ಆಶಯ ಹೊತ್ತ ರಂಗಾಯಣವು ಈ ಬಾರಿ ವಿಶೇಷವಾಗಿ ಯುವಜನ ವಿದ್ಯಾರ್ಥಿಗಳಲ್ಲಿ ಪ್ರಾಕೃತಿಕ ಮನೋಭಾವ ಬೆಳೆಸಲೋಸುಗ ಅವರಿಗೆಂದೇ ಸಿದ್ಧಗೊಳಿಸಿದ ಅರ್ಥಪೂರ್ಣವಾದ ಹಸಿರು ದಸರಾ ರಂಗೋತ್ಸವವನ್ನು ಆಯೋಜಿಸಲಾಗಿದೆ.

ಮಂಡ್ಯ ಜಿಲ್ಲೆಯೂ ಸೇರಿದಂತೆ, ಮೈಸೂರು ಜಿಲ್ಲೆಯ, ಹುಣಸೂರು, ಟಿ. ನರಸೀಪುರ ಸೇರಿ ೧೧ ಕಾಲೇಜುಗಳ ಸುಮಾರು ೫೦೦ ಜನ ಯುವ ಕಲಾವಿದರು ತಮ್ಮ ಕಾಲೇಜಿನಲ್ಲಿ ರಂಗಾಯಣವು ನಡೆಸಿದ ಒಂದು ತಿಂಗಳ ರಂಗ ತರಬೇತಿ ಶಿಬಿರದಲ್ಲಿ ಭಾಗವಹಿಸಿ, ಸಿದ್ಧಪಡಿಸಿದ ನಾಟಕಗಳು ೨೦೧೬ ಸೆಪ್ಟೆಂಬರ್ ೨೮ ರಿಂದ ಅಕ್ಟೋಬರ್ ೧೦ ರವರೆಗೆ ರಂಗಾಯಣದ ಭೂಮಿಗೀತ ರಂಗಮಂದಿರದಲ್ಲಿ ಪ್ರದರ್ಶನಗೊಳ್ಳಲಿವೆ.

೨೦೧೬ ಸೆಪ್ಟೆಂಬರ್ ೨೮ ರಂದು ಸಂಜೆ ೫.೩೦ಕ್ಕೆ ರಂಗಾಯಣದ ’ಬಿದಿರಂಗ’ ವೇದಿಕೆಯಲ್ಲಿ ’ಶೂನ್ಯ’ ತಂಡದವರಿಂದ ಐಕ್ಯತೆ ಎಂಬ ಸೃಜನಶೀಲ ಸಂಗೀತ ಕಾರ್ಯಕ್ರಮಕ್ಕೆ ನಮ್ಮ ನಾಡು ಕಂಡ ಹಿರಿಯ ರಂಗ ನಿರ್ದೇಶಕರಾದ ಶ್ರೀ ಪ್ರಸನ್ನ ರವರು ಚಾಲನೆ ನೀಡುವುದರ ಮೂಲಕ ರಂಗೋತ್ಸವ ಪ್ರಾರಂಭವಾಗುತ್ತದೆ. ದಿನಾಂಕ:೦೧-೧೦-೨೦೧೬ ರಂದು ವಿದ್ಯುಕ್ತವಾಗಿ ದಸರಾ ರಂಗೋತ್ಸವ ಗಣ್ಯರಿಂದ ಮಧ್ಯಾಹ್ನ ೪.೦೦ ಗಂಟೆಗೆ ಉದ್ಘಾಟನೆಗೊಳ್ಳಲಿದೆ. ನಂತರ ಪ್ರತಿದಿನ ಸಂಜೆ ೬.೩೦ಕ್ಕೆ ರಂಗಾಯಣದ ಮಹತ್ವದ ೨ ನಾಟಕಗಳನ್ನೊಳಗೊಂಡಂತೆ ಪ್ರದರ್ಶನಗಳು ನಡೆಯುತ್ತವೆ. ಹಸಿರು ದಸರಾ ಸಾಂಸ್ಕೃತಿಕವಾಗಿ ಜನಾಕರ್ಷಣೆಯಿಂದ ಕಂಗೊಳಿಸುವಂತೆ ರಂಗಾಯಣದ ಆವರಣ ಸಜ್ಜುಗೊಂಡಿದ್ದು, ಸೃಜನಾತ್ಮಕ ವಿನ್ಯಾಸದೊಂದಿಗೆ ಸಿದ್ದಗೊಂಡಿದೆ. ಇದಕ್ಕೆ ಪೂರಕವಾಗಿ ವಿವಿಧ ಮಹತ್ವದ ವಸ್ತುಪ್ರದರ್ಶನಗಳನ್ನು ಏರ್ಪಡಿಸಿದ್ದು, ರಂಗಾಯಣದ ’ಕುಟೀರ’ದಲ್ಲಿ ಪಾರಂಪರಿಕ ದೀಪಗಳ ಪ್ರದರ್ಶನ, ಶ್ರೀರಂಗದಲ್ಲಿ ’ಗೊಂಬೆಗಳ ಪ್ರದರ್ಶನ’ ಲಂಕೇಶ್ ಗ್ಯಾಲರಿಯಲ್ಲಿ ಬುಡಕಟ್ಟು ಜನರ ಸಂಸ್ಕೃತಿಯನ್ನು ಬಿಂಬಿಸುವ ಭಿತ್ತಿಚಿತ್ರ ಪ್ರದರ್ಶನ ಹಾಗೂ ದಕ್ಷಿಣ ವಲಯ ಸಾಂಸ್ಕೃತಿಕ ಕೇಂದ್ರದ ಸಹಯೋಗದೊಂದಿಗೆ ಪ್ರತಿದಿನ ಪ್ರಬುದ್ಧವಾದ ಜನಪದ ತಂಡಗಳಿಂದ ನೃತ್ಯಗಳನ್ನು ನಾಡಹಬ್ಬದ ಪ್ರಯುಕ್ತ ಜನರಿಗಾಗಿ ಆಯೋಜಿಸಲಾಗಿದೆ. ಹಸಿರು ದಸರಾ ಜನರ ಸುಖಕರ ಬದುಕು ಸಮೃದ್ಧಿ ನೀಡಲೆಂಬ ಆಶಯದಿಂದ ರಂಗಾಯಣ ಈ ಎಲ್ಲಾ ಕಾರ್ಯಕ್ರಮಗಳನ್ನು ಪ್ರಸ್ತುತಪಡಿಸುತ್ತಿದೆ.

ಹೆಚ್ಚಿನ ವಿವರಗಳಿಗಾಗಿ

 

 

ನವರಾತ್ರಿ ರಂಗೋತ್ಸವ 2015

ನವರಾತ್ರಿ ರಂಗೋತ್ಸವ 2016

ನವರಾತ್ರಿ ರಂಗೋತ್ಸವ 2015